تلاش کابل برقراری روابط نیک اقتصادی و سیاسی با کشورهای همسایه است

به گزارش خبرنگار خبرگزاری ایرنا در کابل؛ مسئولان شرکت برشنای دولت سرپرست افغانستان امروزپنجشنبه ۲۵ ثور در خبرنامه‌ای از دیدار عبدالباری عمر، رئیس عمومی اجرائیوی این شرکت با دلیر جمعه، وزیر انرژی تاجیکستان در دوشنبه خبر دادند.

طرفین در پهلوی پروژه کاسا-۱۰۰۰، در مورد موضوعات مختلف از جمله انتقال برق و اقتصاد صحبت کرد.

وزیر انرژی تاجیکستان گفت: افغانستان یک کشور اسلامی در همسایگی ما است و تاجیکستان با افغانستان، به‌عنوان یک کشور مسلمان و همسایه، در زمینه‌های انتقال انرژی، ثبات و امنیت همکاری مشترک دارد.

عبدالباری عمر گفت: افغانستان با کشور تاجیکستان مشترکات زیادی دارد و امارت اسلامی افغانستان تلاش دارد تا روابط نیک اقتصادی و سیاسی با جهانیان به‌ویژه کشورهای همسایه اسلامی داشته باشد.

رئیس عمومی شرکت برشنا در مورد فرصت‌های بزرگ و ایجاد سهولت‌ها در افغانستان معلومات داد.

دو طرف به‌عنوان کشورهای همسایه اسلامی بر تعهد خود برای همکاری‌های گسترده و همه‌جانبه در زمینه ثبات و توسعه در بخش انرژی برق تأکید کردند.

پایان پیام/